Ұлттық арна мен Қазақстан халқы Ассамблеясының қоғамдық қоры бірлесе жұмыс істеуге бағытталған меморандумға қол қойды

Мақсат - еліміздегі көмекке мұқтаж жандарға қолғабыс етіп, халықты қайырымдылыққа шақыру.

Бүгін «Шын жүректен!» қайырылымдылық шарасына мұрындық болған «Қазақстан» Ұлттық телеарнасының басшылығы мен Қазақстан халқы Ассамблеясының қоғамдық қорының жетекшісі өзара бірлесе жұмыс істеу жөніндегі меморандумға қол қойды.

Тараптар алдағы уақытта еліміздегі қараусыз қалған балалар мен жетімдерге, жалғызілікті қарттарға, материалдық жағдайы төмен жандарға көмектесу үшін ортақ жобаларды іске асырмақ.

Айбар ТӨЛЖАНҰЛЫ