Қарағандыда заңсыз тендерге жол берілген

Аймақта мемлекеттік сатып алу конкурсын өткізу кезінде мүгедектер құқығы бұзылған.

Қарағандыда мемлекеттік сатып алу конкурсын өткізу кезінде мүгедектер құқығы бұзылған. Октябрь ауданы әкімінің аппараты 2016 жылдың басында абаттандыру және ауданды көгалдандыру бойынша конкурсты жалпы негізде жариялаған.

Заңсыз тендерге қатысты «Ассар плюс» мүгедектер қоғамдық бірлестігі прокуратураға шағымданды. Октябрь аудандық прокуратурасы тексеріс кезінде конкурстық комиссия тарапынан құқықбұзушылық әрекеттерге жол берілгенін анықтады.

Руслан НҰРЛАНҰЛЫ