Әскерде психоэмоциялық анықтағыш қолданылмақ

Әскери бөлімдерде сарбаздардың психоэмоциялық жағдайын тез арада анықтайтын зерделегіш құрылғы қолданысқа енгізіле бастады.

Қарағандыда Ұлттық ұланға қарасты 52 859 бөлімінде бас қосқан еліміздің барлық әскери психологтары отандық «Ақсұңқар» деп аталатын тестілеу кешенінің қызметімен танысты.

Жаңа құрылғы бір адамды 20 минут ішінде тестіден өткізіп, нәтижесін шығарады. Бұл арқылы әскердегі суицидтың алдын-алуға, жауынгерлер мен офицерлердің ұрыс жағдайына дайындығын күні бұрын білуге болады. Бүгінде зерделегіш кешендер еліміздің әскери комиссариаттарында, қылмыстық атқару жүйесінде, ішкі істер саласында, төтенше жағдайлар қызметінде кеңінен қолданыла бастады.

Руслан НҰРЛАНҰЛЫ