«Аstanabike» қызметі жұмысын ертең бастайды

Астана қаласында 15 сәуірден бастан «Аstanabike» пункттері жұмысын бастайды. Тұрғындарға велосипедтерді жалға беру қызметін көрсететін желі жаңа маусымға тыңғылықты даярланған. Бұл ақпаратты velobike.kz таратып отыр.

Сайт деректеріне қарағанда 2015 жылы велосипедтерді жалға алу жүйесін пайдаланған адамдар саны 1800 -ге жеткен. Олар өткен маусымда 89 мың рет велосипед жалдап алыпты. Ал, ресми сайтқа тіркелген адамдар саны 1378 болған. Дегенмен, жөндеу жұмыстарына байланысты «Аstanabike» желісінің бірқатар пунктерінде велсипедтерді жалға беру сәл кешірек басталады.

Жалпы, «Аstanabike» әлеуметтік-инновациялық жобасы өз жұмысын көктемде бастап, күзде аяқтайды. Өткен жылы «Аstanabike» қызметі мамыр айынан қарашаның басына дейін жалғасқан болатын.