Қазақстанда азаматтардың қолма қол ақшамен өзара есеп айырысуларына шектеу қойылуы мүмкін

Құжатты Ұлттық банк өкілдері Мәжілісте таныстырды. Ұлттық банк қолма қол есеп айырысуды қалалы жерлерде ғана емес ауылдарда да мейлінше шектеуді көздейді. Ол үшін екінші деңгейлі банктерге елді мекендердегі дүкендермен келісімшартқа отырып, қызмет көрсету ауқымын кеңейту міндеттелмек.

Бұл ауыл азаматтарының аудан орталығына бармай-ақ, ауылдағы банктің агенттері арқылы есеп айырысып, төлемдер жасауына мүмкіндік береді. Халықты ынталандыру үшін электронды есеп айырысу барысында банктерге комиссия алуға тыйым салынады.

Индира БЕГАЙЛАР