Бала дамуындағы ауытқуларды ерте анықтайтын 440 орталық ашылды

Қазақстанда соңғы бір жылда  балалардың дамуындағы ауытқуларды ерте анықтайтын 440 орталық ашылды. Бұл туралы Денсаулық сақтау министрі Ақмарал Әлназарова Астанада өткен халықаралық конгресте мәлімдеді. Орталықтарда түрлі бағыттағы мамандар бірлесіп, балалардың дамуын бағалап, қажетті көмек көрсетеді. Мұндай жүйе даму ерекшеліктерін ерте анықтап, дер кезінде оңалту шараларын бастауға мүмкіндік береді. Олар алғашқы медициналық-санитарлық көмек ұйымдарының жанынан жұмыс істейді.