2027 жылдың соңында LRT Қосшыға дейін жүреді

Астанадан Қосшыға дейінгі LRT желісінің құрылысы қарқынды жүріп жатыр. Екінші кезең 2027 жылдың соңына дейін аяқталып, пайдалануға беріледі. Бұл туралы Елорда әкімі Жеңіс Қасымбек мәлімдеді. Құрылыс жұмыстарына байланысты Сығанақ, Айтматов көшелері мен Тұран даңғылында уақытша көлік шектеулері бар. Осыған байланысты шаһар басшысы тұрғындардан уақытша қолайсыздықтарға түсіністік танытуды сұрады. LRT желісінің Қосшы бағытындағы  желісі  іске қосылғанда қаладағы көлік кептелісі азаюы тиіс.