Өскемен мен Семей көшелеріне энергия үнемдейтін шамдар қойылады

Нақты айтқанда, Өскемен мен Семей шаһарында энергия үнемдейтін диодты шамдар орнату көзделіп отыр. Елбасының «100 нақты қадам» Ұлт жоспарындағы 59-шы қадамда энергия үнемдеу саласына стратегиялық инвесторларды тарту туралы айтылған.

Осы орайда жарықтандыру жүйесін жаңалау үшін қажетті 7,7 миллиард теңгенің басым бөлігін Еуропалық қайта құру және даму банкі қаржыландырады. Облыс әкімі Даниал Ахметов банктің Қазақстандағы өкілдігінің директоры Джанет Хэкман осы жөнінде алдын ала келісімге қол қойды.

Сонымен қатар, жобаны жүзеге асыру үшін Үкіметтің гранттық қаржысы мен жергілікті бюджеттің де ақшасы пайдаланылады. Еуропалық қайта құру және даму банкі несие ретінде берген қаражат 10 жыл ішінде қайтарылады.

Берік КӨШЕРБАЙ