Шығыс Қазақстан облысында көктемгі егістікке дайындық қызу

Биыл облыста жалпы аумағы 1 миллион 305 мың гектар жерге дәнді және майлы дақылдардың тұқымы себіледі.

Серікхан Қалишев Бесқарағай ауданындағы шаруа қожалықтарының бірін басқарады. Сиыр, қой және жылқы өсіреді. Төрт түлікті жем-шөппен қамтамасыз ету үшін егін шаруашылығымен де шұғылданады. Қыс бойы техникасының тетіктерін түгендеп, жөндеу жұмыстарын жүргізген. Бүгінде, соқа-сайманы да, тұқымы да дайын.

Бесқарағай ауданындағы шаруалар осы көктемде барлығы 46 мың гектар жерге егін салмақ. Аудан басшысының айтуынша, биыл майлы дақылдарды да көбірек өсіру жоспарланып отыр.

Берік КӨШЕРБАЙ