Жезқазған-Қызылорда бағытындағы жаңа пойыз бүгін жолға шығады

Енді Жезқазған мен Қызылорда аралығында поезбен қатынау уақыты бір жарым күнге қысқарады. Елімізде Жезқазған-Қызылорда атты жаңа пойыз желісі іске қосылды. Оның алғашқы жолаушылары бүгін кешке Cыр еліне аттанады.

Осыған дейін жезқазғандықтардың Қызылордаға қатынауы қиын еді. Сыр еліне баратын төте жолдың жоқтығынан Жезқазғаннан шыққан поезд Қарағанды, Мойынты-Шу, Түркістан қалаларын бойлай өтіп, Қызылордаға келіп тоқтайтын. Бұл бағытпен пойыз 3000 шақырым жол жүретін.

Ал, жаңа бағыт бойынша салынған шойын жол бұл қашықтықты 2000 шақырымға дейін қысқартып отыр. Осылайша енді қала тұрғындары Қызылордаға бұрынғыдай 2 жарым емес, 1 күнде-ақ жете алады. Әрі ірілі-ұсақты 40 елді мекенді бойлай өтеді.

Жаңа пойыз бағыты туралы толық сюжетті бүгін Ұлттық арнадағы Kaznews жаңалықтарынан кешкі 17.30 да және 19.30 да көріңіздер.