«Қазақстан» Ұлттық арнасы туған жер тақырыбында республикалық акция бастады

Бұл шараның мақсаты –әлеуметтік желілерде туған жердің әдемі бейнесін, көрікті өңірлерін насихаттау болып отыр. Шара #МенЕлімдіСүйемін #ПочемуЯЛюблюКазахстан республикалық акциясының бір бөлігі болып саналады.

Акцияға қатысушылар әлеуметтік желі қолданушылары өз парақшаларында туған жерінің табиғи-географиялық, тарихи орындары туралы бейне, фото материалдар жариялаулары керек.

Аймақтардың тізімі алфавиттік кезекпен жалғасады. Акция қатысушыларына қойылатын талаптар бойынша әр қатысушы Facebook , Instagram , Вконтакте желілеріндегі арнаның ресми парақшаларына #МенЕлімдіСүйемін #ПочемуЯЛюблюКазахстан хэштегтерімен өз материалын салуы тиіс.

Өзі тұратын аймақтың табиғи-географиялық ерекшеліктері, сирек кездесетін құбылыстар, тосыннан түсірілген фотосуреттерден репортаждар жасауға да болады. Шығармашылық жанрда шектеу жоқ. Бейнеороликтер, фотосуреттер мен өзге де материалдардың өткізілетін уақыты 2016 жылдың наурыз айының 3-і мен 18-нің аралығы.