Президент тұрғын үй құрылысын дамытуға 360 млрд теңге бөлуді тапсырды

Мемлекет басшысы тұрғын үй құрылысын ынталандыру үшін 360 млрд теңге бөлуді тапсырды. Бұл туралы Ақорданың twitter-дегі ресми аккаунтында жазылды.

Ақордада өткен Үкіметтің кеңейтілген отырысында Президент Нұрсұлтан Назарбаев тұрғын ұй құрылысын ынталандыру үшін 360 млрд теңге бөлуді тапсырды. Сонымен бірге, Мемлекет басшысы 53 млрд теңгені жалға берілетін тұрғын үй құрылысына бағыттауды тапсырған.

Елбасы жиында ел нарығындағы тұрғын үй бағасының әлеуметтік бағытта болғаны жөн екенін атап өтті. Сонымен бірге, жеке тұрғын үй салушыларды қолдау мәселесіне де назар аударды. Президент 149 млрд теңгені несиелік тұрғын үй құрылысын жүргізуге, 22 млрд теңгені салымшылардың қаржысын несиелендіруге жұмсау керектігін тапсырған. Ал, 97 млрд теңге жеке тұрғын үй құрылысын жүргізіп жатқандарға бағытталады. Әрине, кейін бұл қаражат қайтарылуы керек.