Қарағандыда қыздарды шетелге саудалаған жеңгетай ұсталды

Қазір полиция қызметкерлері 17 жәбірленушіні анықтады.

Қарағандылық сән агенттігінің директоры қыздарды алдап, Біріккен Араб Әмірліктеріндегі тамырларына жыныстық қатынас қызметі үшін саудалаған.

Белгілі болғандай, алдымен «Бахрейнге сән бизнесімен айналысуға барасыңдар»,- деп кілең 15 пен 22 жас аралығындағы бойжеткендердің сеніміне кірген.

Ал, шетел асқан соң қыздар тән саудасының құрбаны болған. Қазір полиция қызметкерлері 17 жәбірленушіні анықтады. Кейбірі әлі шетелде жүр.

Айта кету керек, жәбірленген қыздардың ең жасы – 15-те. Ол шетелдегі сән үйіне фотосессия үшін баратынын айтып кеткен. Тіпті, анасынан қолхат та алынған.

Руслан НҰРЛАНҰЛЫ