Жалған ақша жасағандар жазасын алды

Өскеменде жалған ақша жасаған 18-19 жастағы 4 жігіт 5 жылға шартты түрде сотталып, сот залынан босатылды. Алаяқтардың ісі қалалық №2 сотта қаралды, - деп хабарлайды Қазақ радиосының аймақтағы тілшісі Дәулет Бақытбекұлы.

Қылмыстық топ жалған 2000 теңгелік банкноттарды принтерден шығарған. Жасанды номиналдарды бір қарағанда нағыз ақшадан ажырату қиын болмаса да, шалғай аудандардағы дүкендердің сатушылары бұған мән бере бермейді. Дегенмен Глубокое ауданында пайда көріп жүрген жігіттер көп ұзамай қолға түсті. Тергеу амалдарының нәтижесінде 84 мың теңге жалған ақша табылды. Кінәлі азаматтардың ісі қаралып, шартты түрде жаза тағайындалған. Жамал Рамазанова. «Жалған ақшаны алып, 4 жігіт дүкендерге барып, арзан тұратын азық-түлік, басқа да заттарды алып, жалған ақшамен есеп айырысып, ақшаны шын ақшаға айырбастауды бастайды. Бірақ олар қолға түсті. Сот мәжілісінде олар толығымен кінәләрін мойындап, жасаған істеріне өкініп, прокурормен процессуалдық келісім жасады. Сол процессуалдық келісім жасалғандықтан, шартты түрде жаза тағайындалды, пробациялық бақылау тағайындалды. Сонымен қазір олар жазасын өтеп жатыр»,-дейді Шығыс Қазақстан облыстық соттың судьясы Жамал Рамазанова.

Kaznews.kaztrk.kz