Балалардың жан-дүниесін түсінуге көмектесетін ертегілер жинағы жарық көрді

Семейлік Нұркен Бектасовтың балалардың жан-дүниесін түсініп, тәрбие беруге бағытталған қазақ тіліндегі алғашқы ертегілер жинағы шықты. Құнды оқулыққа жас автордың әлем халықтары ертегілерінен таңдап аударған еңбектері басылған деп хабарлайды Қазақ радиосының осы өңірдегі тілшісі Дәулет Бақытбекұлы.

Тағдыр арбаға таңғанымен қаланың қоғамдық және мәдени шараларына белсенді қатысатын Нұркен Бектасовтың жеке мұрағатындағы туындылары енді көпшіліктің жеке кітапханасынан табылары сөзсіз. Ертегілердің әр сөзін саралап, балаларға деген мейірімімен аударған автордың бұл ойын іске асыруға Шығыс Қазақстан облысы әкімінің орынбасары Жақсылық Омармен кездесуі мұрындық болған.


Kaznews.kaztrk.kz