Қылмыстың ізін суытпай ашқан полицейлер марапатталды

Павлодардағы жол-патрульдік батальонының екі сақшысы ұрлық жасаған қылмыскерді алысқа ұзатпай ұстап алды.

Қызмет бабында жүрген полицейлерге белгісіз біреулердің екі жасөспірімге күш көрсетіп, ақша мен ұялы телефондарын тартып алғаны жөнінде дабыл түседі. Дер кезінде әрекет жасаған екі сақшы күдіктілерді қолға түсірді. Тінту барысында олардың қалтасынан айғақ заттар табылған. Осы қырағылықтары үшін аға сержант Мержан Кешеубаев пен страшина Болат Чужаев Павлодар облыстық ІІД-і бастығының алғыс хатымен марапатталды.

Есенбек Базарқұл

Kaznews.kaztrk.kz