Астанадағы Ресей елшілігіне билік өкілдерімен қатар қарапайым халық та көңіл айтып келіп жатыр

Алғашқылардың бірі болып барған Үкімет басшысы Кәрім Мәсімов әуе апатынан қаза тапқандардың туған-туысқандарының қайғысына барша қазақстандықтар ортақтасатынын жеткізді.

Қазақстандағы өзге елдердің дипломаттары да елшілікке келіп, көңіл айту кітабына жазбаларын қалдырды.

Сондай-ақ, Алматыдағы Ресейдің бас консулдығының алдына да тұрғындар келіп, гүл шоқтарын қоюда. Апат кезінде балалардың да қаза болуына байланысты түрлі ойыншықтар әкеліп, қайғыға ортақтасқан хаттарын да қалдырып жатыр.

Ләззат БЕКТАС