Теміртаулық 24 тұрғын алаяқтардың арбауына түскен

Жазғы демалыстарын мұхит жағасында өткізбек болған туристер тиісті ақшаларын төлегенмен, осы күнге дейін жолдамаларын алмаған.

Қазір күдікті қамауға алынып, осы іске қатысты сот отырысы басталды. Тергеушілердің пайымдауынша, Яна Есакова есімді келіншек олардың сеніміне кіріп, ақшаларын алдын ала алып отырған. Осылайша қомақты қаржы жинап алған соң, мұхит асып, ізін суытпақшы болыпты.

Бірақ, ол ойы жүзеге аспай құқық қорғаушылардың қолына түскен. Оның жәбірленушілерге келтірілген шығын көлемі 400 мың доллар шамасында болуда.

Руслан НҰРЛАНҰЛЫ