Астанада Қазақстан саясаттанушыларының VIII конгресі өтті

Бүгін Астанада «100 нақты қадам» Ұлт жоспары талқыланды.

Қазақстан саясаттанушыларының VIII конгресі аясында Елбасы стратегиясын жүзеге асырудағы ғылыми-сараптама жұмыстарының басым бағыттарын айқындалды. Форумды ашқан Президент Әкімшілігі басшысының орынбасары Бағлан Майлыбаев Ұлт жоспарының жұмыс тобындағы Сараптамалық кеңеске қазақстандық саясаттанушылардың басым бөлігі қатысқанын атап өтті.

Форумға қатысқан сарапшылар Қазақстан саясаттанушылары конгресінің жұмысын қорытындылады. Мамандар Елбасының 5 институционалдық реформасы Қазақстан дамуының ғылыми негізделген жобасы екенін атап өтті. Сондай-ақ, баспасөз мәслихаты аясында саясаттану саласын жан-жақты сараптайтын жаңа оқулық таныстырылды.


Жазира ДОСМАҒАНБЕТ