Жамбыл облысында полиция қызметкері көліктерді «ала таяқсыз» тоқтатқан

Полковник шеніндегі тәртіп сақшысының заңға қайшы қылығын жүргізушілер ұялы телефонға түсіріп алған.

Ғаламторда қызу талқыға түскен бейнекөрініс облыс әкімінің де назарына іліккен.

Бұл мәселе Жамбыл облысы әкімдігінде өткен құқықтық тәртіпті қамтамасыз ету жөніндегі комиссия отырысында қаралды. Облыс әкімі полиция полковнигінің әрекетін сынға алған. Ал, Ішкі істер департаменті басшысының орынбасары «тексеру жүрген шығар», деп жалтарды.