Алматыда «Жұлдыз» базары өртенді

«Жұлдыз» сауда орталығының бірнеше сауда нысаны қызыл жалынға оранған.

Он бес бутиктің ішіндегі азық-түлік, ойыншықтар, халық тұтынатын заттар мен әтір дүңгіршегіндегі барлық тауар жанып кеткен. Қазір «тілсіз жаудан» келген шығын есептелуде.

Оқиға орнында 15 арнайы техника мен төтенше жағдайлар жөніндегі қызметтің 55 маманы жұмыс істеуде. Зардап шеккендер жоқ. Дегенмен, жиырмаға жуық саудагер жұмыссыз қалды.

Мирас МҰҚАШ