Қарағанды облысының Нұра ауданындағы табиғатты қорғау полициясы кезекті броконьердің жолын кесті

Қызыл кітапқа енген аңды қынадай қырған Ақмола облысының 40 жастағы тұрғыны болып шықты. Көлігін тінту барысында одан 12-калибрлі қару, 38 киіктің мүйізі және үш киіктің еті табылған.

Келтірілген шығын көлемі алдын ала жасалған болжам бойынша 7 миллион 531 мың теңгеге бағаланып отыр. Тиісті сараптамадан өткен соң нақты нәтижесі белгілі болмақ.

Руслан НҰРЛАНҰЛЫ