Қарағанды облысының тұрғыны Ермек Кәрім кез келген ағашты керекке жарататын хас шебер

Ермек Кәрім қымыз құятын тегене, саптаяқ, піспек, ет тартатын астаулар мен ұлттық аспаптардың  түр-түрін жасайды.

Аттың ер-тұрманы мен әбзелдерін де кереметтей етіп келістіре дайындауды жетік меңгерген. Қытайда тұрғанда атасынан да, арқа сүйер ағасынан да осындай он саусағынан өнер тамған шеберліктің қыр-сырын көріп өскен. Ермек Кәрім Тарбағатай аймағы Дүрбілжің ауданындағы қолөнершілер колледжінен арнайы білім алған.

Ермек Кәрім  мемлекеттік бағдарлама арқылы қомақты қаржыға қол жеткізіп, оған шеберханаға қажетті қондырғыларды сатып алды. «Оны іске қосқан соң жұмыс біршама жеңілдеп, табыс еселенетіні сөзсіз»,- дейді шебер.

Руслан НҰРЛАНҰЛЫ