Қазақстанда түзеу мекемелерін салуға шетелдік инвесторлар тартылады

Біздің елде жұмыс істейтін немістің «ДОРШ-ГРУПП» және француздың «Винси Констрюсьон Граны» компаниялары өз жоспарларын көрсетті. Қатысушылар түрлі елдердегі түзеу мекемелерінің құрылыс жобаларымен танысып, істі басқару мәселелерін талқылады.

Сондай-ақ, Қазақстандағы түзеу мекемелері аумағында өндіріс орындарын ұйымдастыру жайы сөз болды. Мемлекеттік жеке серіктестік әдісімен пенитенциарлық инфрақұрылымды жаңғырту мәселесі Елбасының 100 нақты қадамында айтылған болатын. Қазіргі уақытта елімізде 25 түзеу мекемесін салу көзделуде.

Тоғжан ЖАЛҒАСБЕКҚЫЗЫ