Жаңа Еңбек кодексі жобасы талқыланды

Жаңа Еңбек кодексінің жобасына қатысты пікірталас азаятын болды. Қоғамның назарын аударған құжат «Нұр Отан» партиясы өткізген жиында талқыланып, дау тудырған тұстары шешілді. 

Ең бастысы, жұмыс уақытынан тыс кезде атқарылған қызмет үшін төленетін үстемақы мәселесіне нүкте қойды. Демалыс, мереке күндері және түнгі уақытта жұмыс істейтін қызметкерлерге төленетін еңбек ақы бір күндік жалақыдан кемінде 1 жарым есеге көп болуы тиіс.

Бұл ұсынысты Денсаулық сақтау және әлеуметтік даму министрі,  «Атамекен» ұлттық кәсіпкерлер палатасы және кәсіподақтар ұйымы қолдады. Енді құжат Үкіметке жіберіледі.

Ғабит БӨКЕНБАЙ