Жарылғыш зат туралы жалған ақпарат берген күдікті ұсталды

Алматыдағы «City Center» сауда үйіне жарылғыш зат қойылды деп жалған ақпарат берген азамат қолға түсті. Кеше кешкі жетіге таман сауда орталығына хабарласып, елді дүрліктірген бұзақы 1988 жылғы қала тұрғыны болып шықты.

Жарылғыш зат туралы хабар түсе салысымен сауда орталығынан 310 адам жедел қауіпсіз жерге шығарылған. Саперлар мен кинологтардан құралған арнайы орган қызметкерлері 12 мың шаршы метр аумағы бар төрт қабатты ғимаратты толық тексеріп, жарылғыш заттың жоқ екенін анықтады.

Күдікті өз кінәсін мойындады. Ол полиция қызметкерлеріне психикалық ауытқуым бар деп жауап берген. Қазір тергеу-тексеру шаралы жүргізіліп жатыр.   

Мирас МҰҚАШ