Санкт-Петербург қаласында Еуразиялық әйелдер форумы өтуде (толығырақ)

Шараға әлемнің 80 мемлекетінен 800-ге жуық делегат келген. Олар форум барысында әйелдердің саясаттағы, экономикадағы, бизнестегі және жалпы қоғамдағы орнына қатысты сан-алуан мәселені талқылауда. Қазақстан атынан Мемлекеттік хатшы Гүлшара Әбдіқалықова бастаған делегация қатысуда.

Петербургтегі сапары барысында Мемлекеттік хатшы Ресей Федералды Жиналысы Федерация Кеңесінің төрағасы Валентина Матвиенкомен кездесті. Сонымен қатар, Мемлекеттік хатшы Ресей Үкімет басшысының орынбасары Ольга Голодецпен де келіссөздер өткізіп, білім және денсаулық сақтау саласына қатысты мәселелерді пысықтады.

Нұртас СОЛТАНҰЛЫ