Елімізде киберқылмыс көбейіп барады (толығырақ)

Жоғары технологиялар саласындағы қылмыстармен күресте қазіргі таңда еліміз бірқатар конвенцияға қосылып, әлемдік тәжірибені игеру үстінде. Енді еліміздің құқық қорғау органдары АҚШ-тың қауіпсіздік қызметімен тәжірибе алмасып, бірлесе жұмыс істемек. Халықаралық семинарда бас қосқан қауіпсіздік орган қызметкерлері осындай мәмілеге келді.

Желіде жалған ақпарат тарату, шоттағы қаржыны жымқыру, арнайы ақпараттық бағдарламаларды көшіру, тарату сынды әрекеттер киберлікқылмысқа жатады.

Елімізде киберқылмыстың саны артуда. Былтыр, 104 факті тіркелсе, биылғы 7 ай ішінде 131-ге жеткен. Жаңа қылмыс түрімен күресті күшейту мақсатында құқық қорғаушылар енді АҚШ-тан келген әріптестермен тәжірбие алмасып, бірлесе жұмыс істемек.

Айбар ТӨЛЖАНҰЛЫ