Түркітілдес туысқан елдердің президенттері Астана саммитінде бас қосты

Түбі бір Түркі бауырлас елдерді жалғайтын алтын көпір ортақ телеарна ашылады.  Ақордада  өткен Түркітілдес мемлекеттер ынтымақтастық кеңесінің 5-ші саммитінде  Нұрсұлтан Назарбаев осылай деді.

Бүгіннен бастап кеңеске Қазақстан төрағалық етеді. Сондай-ақ, президенттер ақпараттық кеңістік саласындағы қауіпсіздік мәселесін талқыға салды.

Түркітілдес туысқан ел басшыларының алғашқы саммиті 2011-ші жылы Алматыда өтті. Осымен 5-ші мәрте ұйымдастырылған биылғы саммит  дағдарыспен тұспа-тұс келді. Осындай өтпелі кезеңде Нұрсұлтан Назарбаев бауырлас елдерді бірлікке шақырды.

Президенттер келер жылғы саммит «Түркі тілдес елдердің ұлттық ойындары» тақырыбы аясында өтетінін бекітті. 

Ғабит БӨКЕНБАЙ