Өрт салдарынан пойыз қозғалысы тоқтатылды

Екі күнге созылған Орал қаласы маңындағы тоғай өрті  ауыздықталды. Бірнеше саяжай аумағын шарпыған тілсіз жаудың салдарынан екі үй отқа оранып, 102 адам қауіпсіз аумаққа көшірілген.

Сондай-ақ, шаһардың Желаев станциясы аумағында бір гектар жер жанып, теміржолға төселген ағаштар жарамсыз күйге түскен. Осыған байланысты Орал-Ақтөбе пойызының қозғалысы уақытша тоқтатылып, шойын жолды қалпына келтіру жұмыстары жүргізілді.

Рауан ДИӘЛИ