Маңғыстау облысында «Скутер» акциясы аясында шағын кемелерге рейд жүргізілді

Рейд мақсаты – арнайы тіркелмеген, техникалық бақылаудан өтпеген, борт нөмірлері жоқ, мас күйінде немесе кеме басқару куәлігі болмаса да су көлігін жүргізген жайттарды анықтау.

Тағы бір талап – су бетінде зулаған маторлы қайықтар жағалаудан 50 метр қашық жүруі тиіс. Әрі жасы 14-ке толмаған балаларды отырғызуға тыйым салынған.

Ақтау қаласында 1500-дей жүзу құралы тіркелген. Барлығында суға түсуге арнайы рұқсат қағазы бар.

Қауіпсіздік ережелерін бұзғандардан қазірдің өзінде 60 мың теңгеден астам айыппұл өндірілді. Тексеру шаралары суға түсу маусымы аяқталғанша толассыз жүргізілмек.

Жазира ӘБІЛ