Төтенше жағдайлар комитеті Қарғалы өзені бойында сел жүрудің себебін атады

Су көлемі босағанға дейін шамамен 40 мың текше метрді құраған.

Бірнеше күн қатарынан жоғары температураның сақталуына байланысты, мұздың қозғалысынан көлдің босауы орын алып, селдің жүруіне себеп болған.

Еске сала кетейін, Алматыдағы сел 23 шілде күні түнгі сағат 03:00-де шамасында жүрді. Қарғалы өзенінің су деңгейі көтерілгендіктен Қарғайлы және Таусамалы ықшам аудандарын ішінара су басты.

Селдің салдарынан Әуезов, Наурызбай және Алатау аудандары зардап шекті. Сел болған аймақтан 900-ге жуық адам эвакуацияланды.