Жаңалықтарды Telegram арнамыздан оқыңыз!18 шілдеде Түркияның Белек курорттық ауданында Қазақстан азаматы қайтыс болды. Бұл туралы бүгін еліміздің Сыртқы істер министрлігі хабарлады.
Медициналық қорытынды бойынша қазақстандық азаматтың өліміне кардиогендік шок себеп болған.
Анталиядағы консулдық қызметкерлері марқұмның мүрдесін Қазақстанға жеткізу үшін барлық құжаттарды рәсімдеуде.
Тасымал шығындарын Қазақстан азаматын сақтандыру агенттігі өз мойнына алған.
Марқұмның денесі елге бүгін «Анталия-Алматы» рейсімен жеткізіледі.
Айбар ЖАҚСЫБАЕВ
