Шығыс Қазақстан облысындағы Үржар ауылында туристік кешен салынуда

Шығыс Қазақстандағы Үржар ауылында көпатқарымды туристік кешен құрылысы басталды.  Ол үшін елді мекеннің кіре берісінен 9 гектардан астам жер телімі бөлінген.

Мамандардың айтуынша, кешенде заманауи сауда орындары, мейрамхана, қонақ үй мен автосервис қызметтері орналастырылады.

Жобаның жалпы құны - 1 миллиард 250 миллион теңге.

Алакөлдің іргесінде орналасқандықтан, Үржар ауданына алыс-жақын шетелден келіп демалатындар өте көп. Сондықтан, туристерге қолайлы жағдай жасап, келушілер санының арта түсуіне көпатқарымды кешен көп септігін тигізбек. 

Ержан ЖАҚЫП