Синоптиктер Алматыда ауа температурасы 43 градустан асатынын айтты

Мамандар оңтүстік астана тұрғындары мен қонақтарына күн астында қалып қоюдан сақтанып, суды көбірек ішуге кеңес береді.

Сонымен қатар, «ҚазГидроМеттің» хабарлауынша, алдағы күндері Қарағанды, Жамбыл, Шығыс Қазақстан, Алматы облыстарында да ауа 43 градусқа дейін ысиды.

Ал, Оңтүстік Қазақстан мен Қызылорда облыстарында 46 градустан асатын ми қайнатар ыстық күтілуде.