Алматыда күннің қатты ысуына байланысты жедел жәрдем көмегіне жүгінетін тұрғындар саны күрт артқан

Аномальді ауа райынан зардап шеккендердің дені басына күн өткен жас балалар мен қан қысымы көтерілген ересектер.

«ҚазГидроМет» орталығының болжамынша алдағы күндері аптап ыстық бұдан да артуы мүмкін. Батыстан келген ауаның әсерінен жауын-шашын азайып, құрғақ ауа райы ұзақ сақталмақ.

Ал, фронтальді бөліктердің өзгеруіне байланысты республиканың кей жерлерінде шаңдақты дауылдар соғып, ми қайнатар қапырық ауа шіліңгір шілденің соңына дейін созылуы мүмкін.

Аманкелді СЕЙІТХАН