Қазақстан мен Литва арасындағы заңсыз көші-қон тыйылмақ

Парламент Сенатының жалпы отырысында Қазақстан мен Литва арасындағы заңсыз көші-қонмен күресті күшейтетін келісім қабылданды.

Бұл шартқа 2011 жылы 6 қазанда қол қойылған. Құжаттың күшіне енуі енді екі ел азаматтары үшін визасыз режим орнатуға негізгі шарт болмақ.

Сондай-ақ, сенаторлар «Еуразиялық экономикалық одаққа Қырғыз Республикасының қосылуы туралы шартқа, Армения Республикасының қосылу хаттамасын ратификациялау туралы» Заңды қабылдады.

Бұл хаттама биыл 8 мамырда қабылданған. Қабылданған Заңдар Мемлекет басшысының қол қоюына жолданбақ.

Айбар ЖАҚСЫБАЕВ