Ресеймен шектесетін Қостанай облысының кейбір аймақтары шегірткенің шабуылына ұшырады

Осыған байланысты Ресейдің 3 аймағында төтенше жағдай жарияланып, шегірткеге қарсы күрес шаралары күшейтілді. Мамандардың айтуынша, Қостанай облысының егіс алқаптарына зиянкестердің көбі Орынбор облысынан ұшып келуі мүмкін.

Шегіртке әсіресе осы облыстың Светлый және Адамов аудандарында көп. Мұнда 1 шаршы метр жерге 150 шегірткеден келеді. Күн ыси бастаса, жәндіктер апатты аймақпен шектесіп жатқан Қостанайдың Қамысты, Жітіқара, Таран және Денисов аудандарына көшуі әбден мүмкін.

Дәуренбек ӘБДІБЕК