Қостанай облысының Қарабалық ауданында асыл тұқымды ірі қаралар аукционмен сатылды

Қостанай облысының Қарабалық ауданында асыл тұқымды ірі қараның бірінші халықаралық ашық  аукционы өтті.

Австралиядан етті абердин-ангус түлігі мұндағы шаруашылыққа алғаш рет 2011 жылы әкелінген. Содан бері олардың саны төрт мыңға жетті.

Мал тұқымын асылдандыру бағдарламасына сәйкес, мемлекет елімізде осы Қарабалықтағы тәрізді 85 репродуктор-шаруашылықты қаржыландырған. Олардың міндеті - тұқымды сұрыптап, жетілдіріп, өндіруші шаруашылықтарға сату. 

Аукционға еліміздің бірнеше өңірі мен Ресейдің көршілес Челябі облысынан келген сатып алушылар қатысты.

Дәуренбек ӘБДІБЕК