«Нұр Отан» партиясының қатарына 1200 адам өтті

Бүгін «Нұр Отан» партиясы төрағасының бірінші орынбасары Бауыржан Байбек партияның 12 мүшесіне билеттер табыстады.

Сондай-ақ, ол жыл сайын партия қатарына қосылғысы келетіндер санының артқанын және «Нұр Отан» қашан да нақты істердің партиясы болып, әрдайым жарқын бастамалардың бастауы болатынына сенім білдірді.

Бүгін билет алғандар ішінде профессорлар, кәсіпкерлер, эстрада жұлдыздары мен бұқаралық ақпарат құралдарының өкілдері де бар.

Партия қатарында қазір 860 мыңнан астам адам бар. Оның ішінде білім, ғылым, мәдениет саласының өкілдері 32 пайыз, денсаулық сақтау саласынан 8 пайыз.

Республика бойынша «Нұр Отан» партиясының 5700 бастауыш партия ұйымы тіркелген.

Индира БЕГАЙДАР