Ақтөбе қаласындағы «41-інші разъезд» атанған елді мекен қоқыс полигынына айналуда

Мұнда құстың тезегі мен тұрмыстық қалдықтар -  бәрі тау болып үйіліп жатыр. «Жел тұрса, шыдап отыру мүмкін емес. Бір жұтым ауа жоқ», -дейді ашынған тұрғындар.

Тұрғындар құзырлы орындарға сан рет шағымданғанмен, еш нәтиже болмаған еді. Қала әкімдігі мамандарының мәлімдеуінше, ауыл тұрғындарының мәселесі шешілетін күн алыс емес. Қоқыс төгілген аймақ жеке серіктестіктен мемлекет меншігіне өткен.

Әкімдік мамандары «Полигон жойылған соң тәртіп сақшыларының бақылауында болады», - деп сендірді. Тұрғындар тілегінің уақытында орындалу-орындалмасы біздің де бақылауымызда болады.

Жақсыбек КЕМАЛ