Ананың мүгедек баласын қарауға кеткен уақыты еңбек өтілі ретінде есептеледі – Тамара Дүйсенова

Сәбиі мүгедек болып дүниеге келген ана баласы 18 жасқа келгенге дейін жәрдемақы алатыны белгілі.

Бала 18 жасқа толған соң жәрдемақы беру тоқтатылатын. Ал, анасы баласына қараған жылдар еңбек өтілі ретінде саналмайды.

Яғни, ол жалақы алмағаны өз алдына, қаншама жыл жұмыссыз отырғандықтан зейнетақысы да мардымсыз болатын, тіпті зейнетақы тағайындалмайтын жағдайлар да кездеседі.

Енді зейнетақымен қамсыздандыру мәселелері бойынша Заң жобасында мүгедек балаға қараған анаға еңбек өтілін есептеу туралы өзгеріс енгізу көзделіп отыр.

Сондай-ақ, зейнетақы жүйесіне қатысу өтіліне байланысты базалық зейнетақы тағайындау тәртібі де өзгертіліп отыр.

Индира БЕГАЙДАР