Алматыда 6 мыңнан астам полиция ардагері бар

Полиция қызметкерлерінің күніне орай Алматы қалалық Ішкі істер департаментінде салтанатты жиын өтті. Оған саланың жеке құрамы мен ардагерлері қатысты.

Бұл - Қазақстан полициясын құрған және осы қызметте аянбай еңбек етіп жүргендерге алғыс білдіру күні. Өйткені, полиция қызметі үлкен еңбек пен зор ықтиярлықты талап етеді.

Бейнетінің зейнетін көріп отырған ардагерлерге бағалы сыйлықтар табысталды. Жалпы, қазір Алматыда 6 мыңнан астам полиция ардагері бар. Олардың 26-ы - соғыс ардагері, 24-і - генерал.

Алмат ӘБДІРАМАН