Солтүстік Қазақстан облысындағы Троицкий ауылының тұрғындарын жол мәселесі алаңдатады

Ұлттық арна редакциясына Солтүстік Қазақстан облысындағы Троицкий ауылының  тұрғыны Ербол Жаңбырбаевтан хат келді. 

«Ауылымыз облыстық маңызы бар тасжолдан 40 шақырым қашықтықта орналасқан. Екі ортадағы жолдың сапасы сын көтермейді. Жауын жауса,  көлік мүлдем жүре алмайды. Тіптен маңайдағы ауылдарға да қатынай алмаймыз.

Бірнеше рет мәселе көтердік. Бірақ, төсеген тастары 1-2 аптадан соң қайтадан баяғы қалпына түседі. Басқа амалымыз қалмағандықтан, сіздерден көмек сұрап отырмыз», делінген хатта.

Көрермен сауалы бойынша облыстық Автомобиль жолдары және жолаушылар тасымалы басқармасының бөлім басшысы Ғалым Тасболатов жауап берді.

Сағындық СӘБИТҰЛЫ