«Астана EXPO-2017» Ұлттық компаниясының экс-төрағасы Талғат Ермегияевтың мүлкіне тыйым салынды

Астана қаласы, Алматы ауданының №2 соты «Астана EXPO-2017» Ұлттық компаниясының экс-төрағасы Талғат Ермегияевтің мүлкіне тыйым салды.

Тиісті сот қаулысы бүгін күндізгі сағат 13.00-де жарияланды.

Талғат Ермегияевтың алты бірдей жауапкершілігі шектеулі серіктестіктің жарғылық капиталында үлесі бар екені анықталды. 

Қалалық сот таратқан ақпаратқа сай, ол бірнеше эпизод бойынша өзгенің мүлкін талан-таражға салды деп айыпталуда.

Дулат АБИБУЛЛАЕВ