Бауыржан Байбек Астанадағы №2 қалалық балалар ауруханасының жұмысымен танысты

Бұл жерде 305 баланың бір мезгілде 13 клиникалық және 6 параклиникалық бөлімдерде стационарлық көмек алатын мүмкіндігі бар.

2013 жылы пайдалануға берілген мекемеде жаңа инновациялық технологияның көбі қолданылады.

«Нұр Отан» партиясы Төрағасының бірінші орынбасары Бауыржан Байбек аурухана қызметкерлерін кәсіби мерекелерімен құттықтап, партиялық «Алғыс» марапатын табыс етті.

Бауыржан Байбек мұнан соң Назарбаев университетінде дәрігерлер мейрамына арналып ұйымдастырылған салтанатты шараға қатысты. Мерекелік жиында медицина саласының бір топ қызметкері Алғыс хаттармен марапатталды.

Сәуле АЛДАМҰРАТҚЫЗЫ