Ақтау әуежайында өртенген ұшақ бойынша қылмыстық іс қозғалды (толығырақ)

Алдын-ала болжам бойынша, ұшақ баллондарына оттегін толтыру барысында жарылған көрінеді.

Бір анығы, «СКАТ» әуе компаниясына тиесілі техника 1990 жылы шығарылған. Әу баста АҚШ әуе компаниясыны қолданған бұл ұшақты қазақстандық компания 2009 жылы сатып алған.

Мамандардың айтуынша, өрт 15 минутта ауыздықталған. Жолаушылар да көп кідірмеген.

Ақтаулық жолаушылар «Минералды су» шипажайына 40 минуттан соң ұшып кеткен. Қазір әуежайдың рейстері қалыпты. Тек ұшаққа жалғанатын телекөпірдің бір қанаты жарамсыз күйде.

Терминалға қанша шығын келді және кінәлі тараптар кімдер оны арнайы комиссия анықтамақ.

 

ЖАЗИРА ӘБІЛ