Жаңалықтарды Telegram арнамыздан оқыңыз!«Шығыс Қазақстандағы Зайсан көлінің жағасында орналасқан Ақсуат ауылында соңына дейін салынбай қалған екі үйдің құрылысы жанданбайды. Өйткені, қаражат жоқ», дейді жергілікті билік өкілдері.
Баспаналары жарқабаққа құлайын деп тұрған екі отбасы туралы сюжет Ұлттық арна жаңалықтарынан осыдан 10 күн бұрын көрсетілген.
Зайсан көлінің ернеуі кеңейіп кеткендіктен, былтыр бұл ауылда төтенше жағдай жарияланған еді.
Жағаға тым жақын орналасқан 6 үйдің орнына қырдан жаңа баспана тұрғызу туралы шешім қабылданған. Бірақ, тек төрт үй ғана салынды. Қалған екі отбасы әлі күнге дейін құзырлы органдардың табалдырығын тоздырып жүр.
Берік КӨШЕРБАЕВ
