Семейлік кәсіпкер Анар Назарова балалар үйінің түлегіне пәтер сыйлады

Арамызда өзінің адамгершілігімен, қайырымдылығымен көпке үлгі болар жандар аз емес. Солардың бірі - семейлік Анар Назарова.

Кәсіпкер бірнеше жылдан бері қаладағы балалар үйінде тәрбиеленіп жатқан ата-ана қамқорлығынсыз қалған балғындарға көмек беріп келеді. Жақында жетімдер үйінің түлегі Арайлым Ысқақоваға жеке пәтер сатып алып берген.

Арайлым Ысқақова қазір Семейдегі медициналық колледжде білім алып жүр. «Жеке баспанам болса», деген арманының аяқасты орындалғанына шексіз қуанышты.

Ал, кәсіпкер Анар Назарова «Айналаңдағы көмекке зәру жандарға қолұшын созу дамыған қоғамдағы қалыпты іс болуы тиіс», дейді .

Ержан ЖАҚЫП