Ақмола облысының тұрғыны Наурызбай Әлиев ешкі сүтін өндіруді жаңа деңгейге шығармақшы

Ақмола облысы Баратай ауылының тұрғыны Наурызбай Әлиев ешкі сүтін сатуды кәсіпке айналдырды.

Ол шағын шаруашылығын 30 түлікпен бастаған. Биыл кәсіптің көкжиегін кеңейтіп, мал санын екі еселемек. Аша тұяқтының сусынын ішіп, дертіне дауа тапқандар да бар. Емдік қасиеті бар сусын табиғи қуатын бес күнге дейін жоғалтпайды екен.

Кәсіпкер «ауыл шаруашылығы саласына қолдау көрсетіліп жатқандықтан, шаруаны дамытып алған жөн», - дейді. 

Кәсібін өркендетуге білек түрген азамат жақын арада мемлекеттік қолдаудың арқасында өндірісті жолға қойып, ешкі сүтін өндіруді жаңа деңгейге шығармақшы.

Ермек ЕЛБЕРГЕН